Hosting meaning in Marathi
नमस्कार मित्रानो आज आपण बघणार आहोत (Hosting meaning in Marathi) वेब होस्टिंग म्हणजे काय? आपली स्वतःची वेबसाइट असणे ही एक मोठी गोष्ट आहे. एक वेबसाइट सांभाळणे किवा तिची देखभाल ठेवणे हे वाटते तितके सोपे काम नसते. त्यासाठी योग्य ज्ञान असणे अत्यंत आवश्यक आहे. वेबसाइट तयार करण्यासाठी आपण अनेक गोष्टीचा विचार करतो जसे की डोमेन नाव काय असावे सोबत होस्टिंग कोणती खरेदी करावी. या सर्व गोष्टींचा विचार करून आपण एक स्थिर अशी वेबसाईट बनू शकू. या मुळे आपल्या वेबसाईट ला लवकर लोक चांगल्या प्रकारे ओळखायला लागतात.
परंतु जे ब्लॉगिंगच्या जगात नवीन आहेत त्यांना होस्टिंगच्या अर्थाबद्दल फारसे माहित नसते त्यामुळे असे लोक स्वताच्या गरजेप्रमाणे होस्टिंग निवडत नाही. त्यामुळे पुढे चालून त्यांना विविध अश्या समस्यांना सामोरे जावे लागते. त्यामुळे आज मी या लेखात (Hosting meaning in Marathi) आपणास होस्टिंग बद्दल संपूर्ण अशी माहिती उपलब्ध करून देतोय जेणेकरून तुमी योग्य होस्टिंग निवडू शकाल.
Table
इंटरनेट म्हणजे काय?
तुम्ही विचार करत असाल की मी इंटरनेटबद्दल का सांगायला सुरवात केली असेल. कारण होस्टिंग समजून घेण्यापूर्वी, इंटरनेट म्हणजे काय हे जाणून घेणे आपल्यासाठी खूप महत्वाचे आहे. इंटरनेट हे जगातील सर्वात मोठे परस्पर जोडलेले नेटवर्क आहे. म्हणून आजचे संपूर्ण जग, मोबाईलपासून – संगणकापर्यंत, या इंटरनेट च्या नेटवर्कने जोडले गेले आहे.
ज्या प्रकारे आपण प्रयोगशाळेत संगणक एकमेकांशी जोडलेले बघतो त्या प्रकाराला पण आपण इंटरनेट असे म्हणू शकतो. जेव्हा तुमचा संगणक सार्वजनिक नेटवर्कशी जोडला जातो, तेव्हा तो इंटरनेटचा एक भाग बनतो. ज्याद्वारे तुम्ही वेब सर्व्हर किंवा वेब होस्टला देखील म्हणू शकता.
तर तुम्ही असा विचार करत असाल की जर तुमचा संगणक देखील सर्व्हर असेल तर इतर लोक ते का पाहू शकत नाहीत? याचे उत्तर आहे की प्रत्येक संगणक आणि मोबाईलमध्ये गोपनीयता आणि सुरक्षा असते, म्हणूनच इतरांना त्यात प्रवेश करता येत नाही. जर तुम्ही ही सुरक्षा काढून टाकली आणि सार्वजनिक प्रवेश दिला, तर प्रत्येकजण तुमच्या संगणकामध्ये ठेवलेली सामग्री पाहू शकेल. आता आपण वेब होस्टिंग बद्दल जाणून घेऊयात.
वेब होस्टिंग म्हणजे काय?
वेब होस्टिंग – सर्व वेबसाइट ची माहिती इंटरनेटवर साठून ठेवण्याची सेवा प्रदान करते त्यास वेब होस्टिंग असे म्हणतात. यामुळे कोणत्याही व्यक्तीच्या एखाद्या व्यक्तीची किंवा संस्थेची वेबसाईटवर इंटरनेटच्या माध्यमातून उघडता येते. आणि त्या मधील माहिती उदा: वेबसाइटच्या फाईल्स, प्रतिमा, व्हिडिओ इत्यादी बघता येतात. हिच माहिती जेथे साठवली जाते अश्या विशेष संगणकास आपण वेब सर्व्हर असे म्हणतो. असा संगणक इंटरनेटवर २४ × ७ प्रत्येक वेळी जोडलेला असतो.
गोड्याडी , होस्टगेटर, ब्लूहोस्ट इत्यादी अनेक कंपन्यांना वेब होस्टिंग सेवा प्रदान करतात . आपण त्यांना वेब होस्ट देखील म्हणतो. वेबसाईट साठी होस्टिंग खूप महत्वाची असते. ती आपण भाडे तत्वावर खरेदी करू शकतो, ज्याचा उपयोग आपल्या वेबसाईट ची माहिती साठवून ठेवण्यासाठी केला जातो.
वेब होस्टिंग कसे कार्य करते?
जेव्हा आपण स्वताची वेबसाईट बनवतो, तेव्हा आपल्या जवळ असलेले ज्ञान आणि माहिती लोकांसोबत शेअर करायची असते, त्यासाठी आपणास आपल्या माहितीचा संग्रह हा फाईल्स च्या माध्यमातून वेब होस्टिंगवर अपलोड कराव्या लागतात. हे केल्यानंतर, जेव्हा जेव्हा एखादा इंटरनेट वापरकर्ता आपल्या डोमेनचे नाव त्याच्या वेब ब्राउझरवर (मोझिला फायरफॉक्स, गूगल क्रोम, ऑपेरा) टाइप करतो जसे की krantidev.com त्यानंतर इंटरनेट तुमचे डोमेन नाव त्या डोमेन नावाशी समान असलेल्या वेबसाईटशी जोडेल. जोडल्यानंतर, वेबसाइटची सर्व माहिती त्या वापरकर्त्याच्या संगणकापर्यंत पोहोचते, त्यानंतर तेथून वापरकर्ता त्याच्या गरजेनुसार पृष्ठ पाहतो आणि ज्ञान प्राप्त करतो.
वेब होस्टिंग कोठे खरेदी करावी?
देशात अनेक कंपन्या आहेत ज्या सर्वोत्तम होस्टिंग प्रदान करतात. जर तुम्हाला तुमचे सर्व वाचक भारतातून असतील तर तुम्ही भारतातून होस्टिंग खरेदी करणे चांगले होईल. कारण होस्टिंग जर जवळ असेल तर तुमच्या वेबसाईटचा वेग पण चांगला राहील. आणि जर तुमचा होस्टिंग सर्व्हर तुमच्या वाचकापासून जितका दूर असेल तितकाच तुमच्या वेबसाइटवर वाचकास जाण्यास जास्त वेळ लागेल.
भारतातील वेब होस्टिंग चे फायदे
जर तुम्ही भारतातील वेब होस्टिंग प्रदात्यांकडून होस्टिंग विकत घेत असाल, तर त्यासाठी तुम्हाला क्रेडिट कार्डची गरज भासणार नाही. तसेच तुमी तुमच्या ATM कार्ड किंवा इंटरनेट बँकिंग द्वारे खरेदी करू शकता. एकदा आपण होस्टिंग विकत घेतल्यानंतर, आपण ते आपल्या डोमेन नावामध्ये जोडून सहज रित्या स्वताची वेबसाईट तयार करू शकता. खाली काही वेब होस्टिंग देणाऱ्या कंपन्याची नावे दिली आहे जी विश्वसनीय आहेत आणि चांगली सेवा प्रदान करतात.
Hostinger – krantidev.com साठी आम्ही होस्टीगर या होस्टिंग चा वापर करतो. हि नवीन ब्लॉगर साठी अत्यंत किफायतशीर दरात उपलब्ध आहे.
Bluehost – वर्डप्रेस वरील ब्लॉगसाठी वर्डप्रेस ब्लूहोस्ट या कंपनीची शिफारस करते . आपण इच्छित असल्यास, आपण इतर होस्टिंग देखील खरेदी करू शकता.
कोणत्या कंपनीकडून होस्टिंग खरेदी करावी ?
वेब होस्टिंग विकत घेण्यासाठी तुमच्याकडे अनेक पर्याय असतील, परंतु तुमच्या गरजेनुसार कोणती कंपनी योग्य असेल हे तुम्हाला ठरवावे लागेल. होस्टिंग खरेदी करण्यापूर्वी थोडी माहिती असणे खूप महत्वाचे आहे. त्यासाठी खालील काही गोष्टी समजून घेणे आवशक आहे.
डिस्क स्पेस – Disk Space
डिस्क स्पेस ही तुमच्या होस्टिंगची स्टोरेज क्षमता आहे. आपल्या संगणकामध्ये जसे ५००GB आणि १TB जागा असते, त्याचप्रमाणे होस्टिंगमध्ये देखील स्टोरेज असते. शक्य असल्यास, अमर्यादित डिस्क स्पेससह होस्टिंग खरेदी करा. यामुळे डिस्क फुल होण्याचा धोका कधीही होणार नाही.
बँडविड्थ – Bandwidth
तुमच्या वेबसाईटवर एका सेकंदात किती डेटा मिळवता येतो त्याला बँडविड्थ असे म्हणतात. जेव्हा एखादी व्यक्ती तुमच्या वेबसाइटवर प्रवेश करते अश्या वेळेस तुमचा सर्व्हर काही डेटा वापरतो आणि त्या व्यक्तीला माहिती शेअर करतो. जर तुमची बँडविड्थ कमी असेल आणि जास्त व्यक्ती तुमच्या वेबसाइटवर प्रवेश करत असतील तर तुमची वेबसाइट डाऊन होईल.
अपटाइम – Uptime
तुमची वेबसाइट ऑनलाईन किंवा उपलब्ध राहण्याच्या वेळेला अपटाइम म्हणतात. कधीकधी तुमची वेबसाइट काही समस्यांमुळे डाऊन होते, अश्या वेळेस वेबसाईट उघडत नाही. त्याला आपण डाउनटाइम असे म्हणतो. आजकाल प्रत्येक कंपनी १०० % अपटाइमची हमी देते.
ग्राहक सेवा – Customer service
प्रत्येक होस्टिंग कंपनी हि आता 24 × 7 ग्राहक सेवा देतात. तुमाला किवा तुमच्या वेबसाईट संदर्भात काही समस्या आल्यास कंपनी ला आपण कोणत्याही वेळेस विचारू शकतात. बऱ्याच कंपन्याना तुमी फोनवर संपर्क साधून आपली समस्या मांडू शकतात, जे विनामूल्य असते.
वेब होस्टिंगचे प्रकार
वेब होस्टिंग काय आहे आणि ते कसे कार्य करते हे आपल्याला माहिती आहे. आता आपन माहित करून घेऊ कि होस्टिंग चे प्रकार किती असतात. वेब होस्टिंगचे अनेक प्रकार आहेत, परंतु आजच्या काळात, ज्याचा सर्वाधिक वापर केला जात आहे त्याबद्दलच आपल्याला माहिती असने महत्वाचे आहे. तर वेब होस्टिंगचे मुख्य ४ प्रकार आहेत.
2) व्हीपीएस (आभासी खाजगी सर्व्हर) – Virtual Private Server
3) समर्पित होस्टिंग – Dedicated hosting
4) क्लाउड वेब होस्टिंग – Cloud Web Hosting
जेव्हा आपण घराबाहेर कोणत्याही कामा निमीत्त जातो किवा शिक्षणासाठी किंवा नोकरीसाठी जातो, तेव्हा आपण भाड्याच्या घरात राहतो. अश्यावेळी तेथे इतर अनेक लोक आमच्याबरोबर एकच खोली सामायिक करतात, त्याच प्रकारे सामायिक वेब होस्टिंग ( Shared web hosting ) देखील काम करत असते.
सामायिक वेब होस्टिंगमध्ये एकच सर्व्हर असते आणि जेथे एकाच सर्व्हर कॉम्प्युटरमध्ये हजारो वेबसाइट्सच्या फाईल्स एकाच वेळी साठवल्या जातात, म्हणून या होस्टिंगचे नाव सामायिक वेब होस्टिंग ठेवण्यात आले आहे.
सामायिक वेब होस्टिंग त्या लोकांसाठी योग्य आहे ज्यांनी आपली वेबसाइट नवीन तयार करत आहे, कारण ही होस्टिंग सर्वात स्वस्त असते, तसेच या होस्टिंगमुळे तुमची वेबसाइट जो परेंत प्रसिद्ध होत नाही तोपरेंत तुम्हाला अडचणीला सामोरे जावे लागणार नाही. आणि जेव्हा तुमच्या वेबसाईटला भेट देणारे वाढतील तेव्हा तुम्ही तुमचे होस्टिंग देखील बदलू शकता.
हे एक सामायिक वेब सर्व्हर असल्याने, जर एखादी वेबसाइट खूप व्यस्त झाली तर, इतर सर्व वेबसाइट्स त्या मुळे मंद होतात आणि त्यांचे पृष्ठ उघडण्यास वेळ लागतो, हे या वेब होस्टिंगचे सर्वात मोठे नुकसान आहे. सामायिक होस्टिंग बहुतेक नवीन ब्लॉगर्स वापरतात.
सामायिक होस्टिंगचे फायदे
१) हि होस्टिंग वापरणे आणि सेटअप करणे खूप सोपे आहे.
२) बेसिक वेबसाइटसाठी हा एक उत्तम पर्याय आहे.
३) त्याची किंमत खूप कमी आहे, म्हणून प्रत्येकजण ती खरेदी करू शकतो.
४) याचे कंट्रोल पॅनल अतिशय युजर फ्रेंडली असतात.
सामायिक होस्टिंगचे तोटे
१) यामध्ये तुम्हाला अत्यंत मर्यादित संसाधनांमध्ये प्रवेश मिळेल.
२) तुम्ही त्यात सर्व्हर इतरांसोबत शेअर करत असल्याने, त्याची कामगिरी थोडी कमी होण्याची शक्यता आहे.
३) त्याची सुरक्षा तितकीशी चांगली नसते.
व्हीपीएस होस्टिंग – Virtual Private Server
व्हीपीएस होस्टिंग हे हॉटेल रूमसारखे आहे. जिथे तुम्हाला त्या खोलीतील सर्व गोष्टींचा अधिकार आहे. यामध्ये इतर कोणाशीही आपण शेअरिंग करत नाही. व्हीपीएस होस्टिंगमध्ये व्हिज्युअलायझेशन तंत्रज्ञान वापरले जाते. ज्यात एक मजबूत आणि सुरक्षित सर्व्हर वेगवेगळ्या भागांमध्ये विभात विभागून दिला जातो.
परंतु प्रत्येक आभासी सर्व्हरसाठी वेगवेगळी संसाधने वापरली जातात. ज्यामुळे तुमची वेबसाइट आवश्यक तेवढी संसाधने वापरू शकते. येथे तुम्हाला इतर कोणत्याही वेबसाईट सह शेअर करण्याची गरज नसते. यामुळे तुमच्या वेबसाइटला उत्तम सुरक्षा आणि गुणवत्ता मिळते. हे होस्टिंग थोडे महाग असते आणि अधिक वाचक असलेल्या वेबसाइट साठी वापरले जाते. जर तुम्हाला कमी पैशात समर्पित सर्व्हर (Dedicated hosting) सारखी कामगिरी हवी असेल तर VPS तुमच्यासाठी सर्वोत्तम आहे.
व्हीपीएस होस्टिंगचे फायदे
१) या होस्टिंगमध्ये सर्वोत्तम कामगिरी प्रदान केली जाते.
२) यामध्ये तुम्हाला समर्पित होस्टिंग प्रमाणेच पूर्ण नियंत्रण मिळते.
३)यामध्ये तुम्हाला अधिक लवचिकता मिळते कारण तुम्ही ते तुमच्या पद्धतीने सानुकूलित करू शकता आणि मेमरी अपग्रेड, बँडविड्थ सारखे बदलू शकता.
४) हे समर्पित होस्टिंगपेक्षा अधिक किमंत नाही, ज्यामुळे ते अधिक रहदारी असलेल्या वेबसाईट साठी कोणीही खरेदी करू शकते.
५) त्याची गोपनीयता आणि सुरक्षा खूप चांगली आहे.
६) या व्यतिरिक्त, यामध्ये तुम्हाला चांगली मदत पण दिली जाते.
व्हीपीएस होस्टिंगचे तोटे
१) यामध्ये तुम्हाला (Dedicated hosting) समर्पित होस्टिंगपेक्षा कमी संसाधने प्रदान केली जातात.
२) ते वापरण्यासाठी आपल्याकडे थोडे तरी तांत्रिक ज्ञान असणे आवश्यक आहे.
समर्पित होस्टिंग – Dedicated hosting
सामायिक होस्टिंग( Shared web hosting ) मध्ये बर्‍याच वेबसाइट समान सर्व्हरची जागा सामायिक करतात, परंतु (Dedicated hosting) समर्पित होस्टिंग हे त्याच्या अगदी उलट आहे. एखाद्या व्यक्तीचे स्वतःचे एक मोठे घर आहे आणि इतर कोणालाही त्यात राहण्याची परवानगी नाही आणि त्या घराची सर्व जबाबदारी केवळ त्या व्यक्तीवर आहे, समर्पित होस्टिंगचे कार्य देखील याप्रमाणे असते.
समर्पित होस्टिंगमधील सर्व्हर केवळ एका वेबसाइटच्या फायली साठवतो आणि ते सर्वात वेगवान सर्व्हर असते.. यात कोणाचाही वाटा नसतो. त्यामुळे हे होस्टिंग सर्वात महाग असते.
ज्या वेबसाईटला दर महिन्याला जास्त वाचक येतात त्यांचासाठी हे होस्टिंग योग्य असते. आणि ज्यांना त्यांच्या वेबसाइटवरून अधिक पैसे कमवायचे आहेत त्यांच्यासाठी.
समर्पित होस्टिंगचे फायदे
१) यामध्ये क्लायंटला सर्व्हरवर अधिक नियंत्रण आणि लवचिकता दिली जाते.
२) सर्व होस्टिंगच्या तुलनेत यात सर्वोच्च सुरक्षा आहे.
समर्पित होस्टिंगचे तोटे
१) हे सर्व होस्टिंगपेक्षा महाग आहे.
२) त्यावर नियंत्रण ठेवण्यासाठी तुम्हाला तांत्रिक ज्ञान असणे आवश्यक आहे.
३) येथे तुम्ही तुमच्या समस्या स्वतः सोडवू शकत नाही, ज्यामुळे तुम्हाला कुशल व्यक्तीची नेमणूक करावी लागेल.
क्लाउड वेब होस्टिंग
क्लाउड वेबहोस्टिंग हा एक प्रकारचा होस्टिंग आहे जो इतर क्लस्टर्ड सर्व्हरवरील संसाधने वापरतो. मूलभूतपणे, याचा अर्थ असा आहे की आपली वेबसाइट इतर सर्व्हरवरील आभासी संसाधने वापरते, जेणेकरून ती आपल्या होस्टिंगचे सर्व पैलू पूर्ण करेल.
येथे भार संतुलित असतो, सुरक्षिततेची विशेष काळजी घेतली जाते आणि सर्व हार्डवेअर संसाधने त्यात अक्षरशः उपलब्ध असतात जेणेकरून ती कधीही आणि कुठेही वापरली जाऊ शकतात. येथे सर्व्हरच्या क्लस्टरला क्लाउड असे म्हणतात.
क्लाउड होस्टिंगचे फायदे
१) येथे सर्व्हर डाऊन होण्याची शक्यता खूप कमी असते कारण सर्व काही क्लाउडमध्ये उपलब्ध आहे.
२) येथे जास्त वाचक आले तरी सहजपणे हाताळले जाऊ शकतात.
क्लाउड होस्टिंगचे तोटे
१) root access ची सुविधा येथे पुरवली जात नाही.
आपण साइटसाठी कोणत्या प्रकारची वेब होस्टिंग खरेदी केली पाहिजे?
आपली साईट किती मोठी आहे, त्यावर किती रहदारी येते वगैरे यावर सर्व अवलंबून आहे. जर तुम्ही नवीन साइट सुरू करत असाल तर तुम्ही शेअर्ड होस्टिंग घ्या जे सर्वात किफायतशीर आहे.
हा लेख (Hosting meaning in Marathi) कसा वाटला?
मला आशा आहे की तुम्हाला माझा लेख (Hosting meaning in Marathi) नक्की आवडला असेल. वाचकांना संपूर्ण माहिती देण्याचा माझा नेहमीच प्रयत्न राहिला आहे जेणेकरून त्यांना त्या लेखाच्या संदर्भात इतर कोणत्याही साइट किंवा इंटरनेटवर शोध घेऊ नये. यामुळे त्यांचा वेळही वाचेल आणि त्यांना सर्व माहिती एकाच ठिकाणी मिळेल. जर तुम्हाला या लेखाबद्दल काही शंका असेल किंवा तुम्हाला त्यात काही सुधारणा व्हावी असे वाटत असेल तर तुम्ही यासाठी कमेंट करू शकता.
हे पण वाचा…